ORANJESTAD (AAN): Aworaki na Aruba bo por hunga e opcion di Multi-X sea pa e sorteo di Lucky 3, of tambe pa Catochi.
Esey ta loke Stewart a haci, ora di cumpra su numbernan di suerte pa Catochi. Y el a gana tambe, y pesey a acudi na oficina di Lotto na Playa pa reclama su premio.
E computer a confirma cu Stewart a gana 8.000 Florin cu e sorteo di Catochi Merdia. Sinembargo como cu el a hunga tambe cu e opcion di Multi-X, y e dia ey ta X2 a sali, esey nifica cu el a multiplica e premio dos biaha, y el a ricibi 16.000 Florin.
Mesora a pasa e placa electronicamente pa su cuenta di banco. Stewart a indica cu su ticket ganador a wordo cumpra na Indio Stewart Lottery Santa Helena.
