ORANJESTAD (AAN): Departamento di Salud Publico, ta haci un suplica na tur persona cu ta bende cuminda y/of bebida pa tene cuenta cu e siguiente puntonan:
Manera ta prescribi den ley di Personeelsbesluit warenverordening: tur persona cu ta bende cuminda y/of alcohol mester tin nan carnet di Certificado di Salud ( “Gezondheidsverklaring”) na ordo. E carnet di Certificado di Salud mester ta vigente y visibel pa e controladornan di Departamento di Salud;
No ta acepta recibo como reemplasante di e carnet di Certificado di Salud (“Gezondheidsverklaring”);
Mester cumpli cu tur regla di higiena manera:
- limpiesa;
- separación di alimento;
- tur alimento mester ta bon cushina;
- uzo di temperatura cu e alimento mester cumpli cune;
- uzo di awa y alimento liber di peliger;
Durante inspeccion si acaso no cumpli cu e rekisitonan menciona Departamento di Salud Publico lo aplica sancion si ta necesario.
Esnan cu mester aplica of renoba nan carnet di Certificado di Salud mester hasi un cita online via e siguiente site: www.dvg.aw
Pa mas informacion por tuma contacto libremente cu seccion di Inspeccion di Alimento y Hygiena di Departamento di Salud.
