Auto a dal den vangrail riba Watty Vos Boulevard

ORANJESTAD (AAN):   Diadomingo atardi a sosode un accidente basta serio riba Watty Vos Boulevard.

Un auto cu tabata na salida di e brug, casi yegando e rotonde na Cumana pa algun motibo of otro a perde control y a dal contra di e vangrail ocasionando basta daño na e vehiculo como na e vangrail di beton.

Personal di ambulans tabata presenta na e sitio di e suceso pa asina atende cu e victimanan. Por a mira tambe cu mester a touw e auto cu a keda basta kibra. No tabata tin perdidanan humano pa lamenta.

Na e momento ey, e accidente aki a ocasiona un stagnacion den trafico na e highway aki