Juffrouw Catherine hopi gradici:
ORANJESTAD (AAN)-- Juffrouw Catherine, docente di Papiamento y Spaño na Maria College MAVO, a comenta pa Matutino DIARIO, cu su alumnonan cu a haci e biahe ficticio na cuater pais, cu ta un proyecto den e marco di e tema “Aruba, un pais multicultural”, a gusta masha e reto aki, nan a haye hopi bunita.
Nan tabata bezig cu un tour, pero na un manera practico, y nan tabata contento, mi no a haya ni un keho” e docente a comenta.
El a agrega cu tur docente di Idioma y Arte a participa den e proyecto aki. Arte a yuda cu e parti di decoracion, y e alumnonan a traha den esaki tambe, y den idioma e docentenan a hinca full e calificacion den otro y con ta bay evalua henter e proyecto den otro.
“E plan ta pa sigui cu e proyecto aki den futuro. Nos ta cuminzando den chikito bek pa bolbe ampli’e pa e bira grandi atrobe”, Juffrouw Catherine a indica.
Juffrouw Catherine a gradici e team di Maria College, cu ta para semper su tras y esnan cu a bin di afo, y personanan cu ta traha den otro area cu, boluntariamente a bin duna un man.
