Tur alumno di klas 4 a ricibi lectura di Famia Planea

ORANJESTAD (AAN): Siman pasa, tur alumno di Havo-4 como tambe Vwo-4 di Colegio Arubano den Vondellaan,

cu tin Biologie den nan pakete, a ricibi un lectura di Famia Planea encuanto medionan anticonceptivo y tambe malesanan transmiti sexualmente.

   E alumnonan a participa hopi bon y proactivo, y a laga sa na final cu nan a haya e lectura uno hopi informativo y cu nan a sinti nan mes enrikeci cu e informacionnan balioso aki.

   Colegio Arubano ta manda palabra di gratitud na Famia Planea cu a bin duna e presentacion fantastico aki, cu tabata bastante interactivo.  E forma cu ta comparti conocemento, y lanta concientisacion riba peligronan existente, ta bale la pena.