Tres miembro di Parlamento Hubenil a reuni cu Ministro Wyatt-Ras

ORANJESTAD (AAN): Tres miembro di Parlamento Hubenil, recientemente a haci un bishita di cortesia cerca Ministro Mervin Wyatt-Ras.

   Ministro Wyatt-Ras a indica cu e bishita aki tabata pa nan a intercambia pensamento y papia tocante e participacion di hubentud y nan rol den comunidad.  Ministro tin e filosofia, cu inverti den hubentud, nifica inverti den futuro di e isla.  Durante e bishita, nan mentor tambe tabata presente durante e encuentro hopi interesante aki cu Ministro.

   Na opinion di Ministro Mervin Wyatt-Ras, e espacio y oportunidad cu Gobierno ta duna hubentud awe,  ta yuda forma e Aruba di mañan.