Tres hubilario special a wordo honra na Colegio EPI

ORANJESTAD (AAN): Recientemente a tene un brindis special na Colegio EPI,

pa asina honra tres persona kendenan a cumpli sea 25 of 30 aña den servicio di Colegio EPI y tambe pais Aruba.

   A rindi homenahe na Sealene Navas, kende a cumpli 30 aña di servicio na pais Aruba y Docente na Unit Economia di Colegio EPI.

   A rindi homenahe na Rizah Semerel, kende a cumpli 25 aña di servicio na pais Aruba y Hefe di OLC.

   A rindi homenahe na Randi Sandriman, kende a cumpli 25 aña di servicio na pais Aruba, y docente na Unit Economia di Colegio EPI.

   Nan a comparti e momento special aki hunto cu nan team y nan famia, den un ambiente yen di alegria, gratitud y cariño.

Danki pa boso dedicacion, compromiso y tur e añanan di trabao duro na Colegio EPI y departamento di gobierno. Boso contribucion ta hopi balioso pa nos comunidad escolar.

Aruba ta agradecido pa boso aporte.