ORANJESTAD (AAN): Recientemente a finaliza e curso di ‘Salary Administration’ duna na VCC Inrternational.
E tres damanan aki awor tin mucho mas conocemento di administracion di salario. E curso mes a wordo duna pa instructor Dick Rikkengaa.
Esnan cu a ricibi certificado na final ta d.r.p.d. Jeandira Arends (di Total Services Aruba), tambe Alexandra Kock, y finalmente tin Zain Acosta (Aruba Trading Company).
Awendia cu asina hopi cambio riba nivel fiscal, ta importante pa esnan cu ta encarga cu payroll por haci e calculonan corecto segun reglanan imponi pa esnan cu ta crea legislacion pa impuesto. Pabien na esnan cu a ricibi certificado.
