Tremendo tabata un biaha mas e Open dag na Marinierskazerne Savaneta

ORANJESTAD (AAN):  Diahuebs di Mei, e open dag Anual di Marinierskazerne na Savaneta a tuma luga.

Di  10:00 or te 16:00 or e Kazerne a habri su portanan pa publico cu un programa varia pa grandi y chikito.

            E open dag a brinda un escala amplio di actividad y demontracion, durante di cual bishitantenan por a ricibi un bista unico den e labor di Defensa y su socionan di seguridad strategico. Cuerpo di Marina, Militarnan di Aruba, Programa di Entrenamento Social (Sociaal Vorminstraject SVT), Marechaussee  Real, Wardacosta Region Caribe, Cuerpo Policial Aruba y Cuerpo di Bombero di Aruba tabata presente pa demostra kico nan tin den cas. 

            Durante e dia tabatin demostracion tanto riba tera como riba lama, durante cua diferente escenario a keda imita. Banda di e demostracionnan aki tabatin musica bibo, tentnan di mercado y truknan di cuminda cu a provee e ​​bishitantenan cu cos dushi y recuerdonan pa hiba cas. 

            Un bunita punto culminante tabata e sosten na organisacionnan di. En total cu e benta a recauda AWG 27.500. E entrada completo e aña aki ta bay pa dos organisacion caritativo: Fundacion Pas Nos Comunidad y House of Skate Aruba. 

            Un otro momento special tabata e open dag special riba diaranson, 30 de april, pa 80 mucha di  Scol Caiquetio. E muchanan aki pa motibo di nan restriccionnan no por a participa den e dia habri regular. P’esey a invitá nan un dia prome, pa asina nan tambe por a disfruta di un dia dibertido den e mundo di Defensa. 

            E exito di e open dag di Marinierskazerne na Savaneta ta danki na e esfuerso di tur esnan envolvi y e hopi bishitantenan entusiasma cu a pasa tira un bista. E evento no solamente ta aporta na engrandece e conscientisacion tocante e trabounan di Defensa y e socionan strategico di seguridad, pero esaki a brinda tambe un sosten valioso na dos organisacion caritativo.