Trekmento di lot pa e prefinal di Aruba Caiso and Soca Monarch Festival

ORANJESTAD (AAN):  Diamars anochi a tuma luga e trekmento di lot pa e prefinalnan di e grandioso Aruba Caiso and Soca Festival.

            Den un ambiente hopi ameno musiconan, Prensa, patrocinadornan di e evento,  invitadonan y miembronan di directiva di Stichting Musica a presencia resultado pa e secuencia di e prefinalnan. 

            Stichting Musica ta anuncia cu den e prefinalnan lo tin 13 banda participando. Diasabra 12 di November na Centro di Bario Dakota lo ranca cu siguiente orden di aparicion Zeta Band, Tsunami, Mellow y Caribbean Band. Diasabra 19 Centro di Bario Playa pabao lo ta e anfitrion pa Nfuzion, Sound and More, Suona , YX3M y Buleria cu lo cera e anochi. E ultimo prefinal lo tuma luga dia 26 di November na Centro di Bario Brazil y e anochi lo keda inaugura pa Musical Time, Hot Ones Band, Azucar y Groove Masters.

            Musico y cantantenan lo presenta durante di e 3 anochinan  un total 43 composicion nobo l 10 Caiso, 33 soca cu un total di 33 cantante masculine y 3 femenino. Ta anticipa un competencia fuerte entre e cantante y bandanan. 

                        Ban apoya nos musiconan local den e prefinalnan di e festival mas grandi di nos isla. Danki na tur patrocinadornan cu ta hacie e festival aki posibel.