Traspaso di funcion di Hoofdcommissaris di Scouting Aruba

ORANJESTAD (AAN): Dia 30 di April 2025 dilanti di miembronan di Nationaal Comité (NC) di Scouting Aruba (SA) a

tuma luga traspaso di Hoofdcommisssaris (HC) saliente di Scouting Aruba, Chief Christopher Lake pa Hopman John Hessen, kende lo ta “plaatsvervangend”(Plv.) HC te cu December 2025.

Esaki ta un traspaso te ora cu Nationaal Comité (NC) eligi Hoofdcommissaris di Scouting Aruba 2026-2029 na Januari 2026.

Nationaal Comité (NC) di Scouting Aruba a entrega Chief Lake un recuerdo como muestra di gradicimento pa tur su tempo y dedicacion den e dos periodonan como HC di Scouting Aruba tras di lomba: 2019-2022-2025, pa a representa SA dignamente y dirigi SA na un manera habri, cu metanan fiho stipula.

NC por wak atras cu hopi satisfaccion cu su persona a logra su obhetivonan di laga Scouting Aruba mas uni, organisa y financieramente stabil.

Entrante 01 di Mei, Hopman John Hessen ta keda plv. HC y lo ta e persona di contacto pa tur peticion pa actividad pa Scouting Aruba atende y/of participa den comunidad di Aruba.

NC ta desea Chief Lake tur clase di exito den futuro y na mes momento ta desea Hopman John Hessen hunto cu su directiva cu e ta bay forma tur clase di exito den e periodo di transicion pa eligi HC di Scouting Aruba 2026-2029.