Trabao pa determina definicion nacional di ‘pobresa’

ORANJESTAD ()AAN): Minister Geoffrey Wever di Finansa, Asunto Economico y Sector Primario,

den cooperacion cu Minister di Asuntonan Social, drs. Melvin Wyatt-Ras y Minister President, mr. Mike Eman, a start oficialmente cu e trabaonan pa determina un definicion nacional di pobresa (“armoedegrens”).  Tambe pa desaroya un sistema pa midi poder di compra (“koopkrachtmeting”) na Aruba.

   E proyecto ta un proyecto cu ta cay bou di Landspakket.

   Determinando e definicion nacional di pobresa y midi poder di compra di manera structural ta di sumo importancia pa desaroyo y monitoreo di maneho socio-economico.

   Cu e iniciativa aki, Gobierno lo por implementa maneho mas enfoca riba e gruponan mas vulnerabel den nos comunidad.

   Ministro Wever ta gradici Minister Wyatt-Ras, Minister President, Conseho di Minister y tur stakeholders y partners nacional y internacional pa e cooperacion amplio rond di e tematica importante aki y ta desea CBS Aruba, DSZ, DEZHI, DOZ, CBS Hulanda y tur stakeholders hopi exito cu e proyecto historico pa determina un linea di pobresa y asina pone un fundeshi concreto pa maneho socio-economico cu ta contribui na un desaroyo economico inclusivo pa tur habitantenan di Aruba.