Trabao di Defensa Hulandes a cuminza dunando un man na Haiti

ORANJESTAD (AAN): Den fin di siman, e barco patruyero di Defensa Hulandes, esta Zr.Ms. Holland a yega na Haiti pa duna asistencia na e pais cu a wordo afecta pisa door di teremoto.

   E paisnan cu ta dunando yudanza, hunto cu organizacionnan internacional a coordina hunto e necesidad pa duna asistencia den e area di desastre.  Aki a bin cu cierto tarea cu e barco patruyero di Marina Hulandes tin di haci, y tambe su personal y esnan cu ta bula cu helicopter.

   E prome tareanan ya caba a ser haci.

   E mariniernan y personal di ehercito, abordo di e botonan tipo FRISC, a busca lugarnan adecuado pa nan por yega y baha material na e pueblo di Baradères.  Aki nan a wordo ricibi pa e poblacion local den botonan chikito.

   E helicopter NH90 cu abordo 3 medico specialista Europeo, a bay check e situacion di Baradères for di halto, pa asina analisa si acaso e lugar ta adecuado tambe pa pone un Hospital di emergencia.