TOB Carnival a corona nan reinanan y escoge nan Prins y Pancho

ORANJESTAD (AAN): Den fin di siman a tuma lugar na sede di Topcar den Caya Ernesto Petronia, e anochi di coronacion di TOB Carnival Group. 

Tambe a escoge nan Prins y Pancho pa Carnaval 73 cu ta start aki algun luna. 

   Como Prins y Pancho Infantil, a corona Prins 73 (Jayrion Maduro di 8 aña), y Pancho Un Bes (Ruxen Sint Jago di 9 aña).

   Como Prins y Pancho Hubenil, a corona Prins Laga (Sebastian Alejandro Sanchez Ramirez di 14 aña), y Pancho Sa (Djered Isaac Hernandez di 14 aña), y nan ta representa TOB Carnival y tambe Kiwanis Builders Club.

   Como Reina Hubenil di TOB Group y Kiwanis Builders Club a corona C’yannah Alberts.  Como Señora Carnaval di TOB Group a corona Isabella Gorochoswky. 

   E anochi aki TOB a haya chens di estrena nan costuumnan di Carnaval 73 tambe.   Di awor caba palabra di exito na tur concursante.