Tiramento di clapchi a cuminsa y ya caba tin yen cacho perdi

ORANJESTAD (AAN):  Tiramento di clapchi a cuminsa y a ripara mesora yen di mensahenan riba social media mustrando cu a haya un cacho of cu un cacho a perde na cierto caminda.

Mester tene cuenta den e dianan aki cu mester ta mas atento cu den caso cu bo tin un cacho of un pushi cu e lo spanta cu e tiramento di clapchi.

Esaki por trece como consecuencia cu nan lo huy spanta of cu nan ta crusa caminda y den nan huymento nan ta wordo gedal pa un auto tambe.

Ban ta mas consciente di e situacion aki y purba di mantene bo mascota un caminda unda nan no por sali for di bo propiedad. Cu esaki lo evita tantisimo anuncio riba social media di cacho of pushinan perdi y tur spanta.

Por a ripara cu hopi di e bestianan aki ta entre otro cachonan Chihuahua cu ta hopi chikito y indefenso.

Imagennan: facebook