CARTAGENA: Ministro di Salud na Colombia, esta Fernando Ruiz, a confirma Diaranson cu cualkier barco crusero cu tin hende abordo contagia cu Covid-19, lo no por mara pa baha pasahero na e wafnan di e pais.
Cruseronan por sigui bishita, pero ora cu nan ta raportando cierto nivel di contagio y cu a haci e analisis epidemiologico debido na e parti paden, nan lo no por baha na Colombia y asina ta hasta evita cu nan tin di sigui bin rumbo pa eynan.
Cruseronan cu kier baha pasaheronan na Colombia, tin di presenta prueba di por lo menos 1 dosis di vacuna y un PCR test negativo di e pasaheronan y tripulantenan.
Colombia ta indica cu e medidanan aki ta pa proteha e wafnan, sin cu e ta afecta turismo.
Gobierno Colombiano a bisa esey, despues di a anuncia cu Colombia ta drentando un ola nobo debi na Omicron, cu ta e variante di Coronavirus cu ta causando un aumento nunca antes bisto rond mundo.
Tabata siman pasa 22 di December cu e crusero Seven Seas Mariner a yega cu siete pasahero cu Covid-19 y el a mara na Waf, pero no a duna e pasaheronan chens di baha di e barco pa conoce e ciudad.
