Minister Dangui Oduber a reuni cu stakeholders
ORANJESTAD (AAN): Diahuebs atardi Minster Dangui Oduber a atende un 'shareholders meeting' cu e management y tambe cu e board di Aruba Ports Authority NV (APA) unda el a ricibi un presentacion di e cuenta anual di aña 2021.
Turismo crusero a wordo afecta hopi duro door di pandemia y esaki sigur a mustra tambe den e cuenta anual di APA pa e aña 2021. No obstante toch a logra presenta un cuenta anual aceptabel, mirando cu e prome barco cu APA a ricibi tabata na November 2021.
A papia tambe over di e inversion haci pa cu e dredging, unda cu a logra acomoda e barco grandi Oasis di Royal Caribbean Cruise Lines.
Tambe a menciona diferente proyecto pa aña 2023, entre otro Port City y Warehouses y Logistics na Barcadera. Esakinan ta proyectonan cu tin varios aña riba plan, pero cu ta cla pa wordo ehecuta na 2023.
