ATIA a organisa un exitoso LIDERA Conference cu oradornan renombra

ORANJESTAD (AAN): Aruba Trade & Industry Association a organisa diferente actividad in conexion cu e conferencia LIDERA durante dos dia.

   Esaki sigur tabata un fin di siman exitoso y cu a duna esnan presente hopi inspiracion.

   Diabierna a inicia cu un Youth Athlete’s Event na Marriott Ballroom, durante e evento aki diferente organisacion deportivo a forma parti y a ricibi lectura di inspiracion di Trent Shelton. Ademas di esaki COA tambe tabata presente y diferente atleta local a comparti nan storia di nan trayectoria cu e impacto riba nan bida y carera. Un evento bon atendi y a conta cu participante cu a sali hopi motiva.

   E Meet & Greet event a tuma lugar parti anochi caminda tur invitado a ricibi oportunidad pa sera conoci cu Trent Shelton y Melis Senova.

   Diasabra e gran evento Leadership Conference titula LIDERA a tuma lugar y a conta cu mas di 250x participante, entre nan e 2 guest speakers internacional pero tambe varios speaker's local cu a comparti nan experiencia y storia. Un mainta bon atendi y cu un programa hopi motivante hinca den otro.

Aruba Bank ta contento di por a forma parti di e iniciativa aki y ta felicita e tremendo trabao di e organizadornan.