Tin un quizshow nobo y educativo pa alumnonan di klas 6 cu ta inspira muchanan na Aruba

ORANJESTAD (AAN):  Aruba tin un programa di television nobo, un programma educativo pa muchanan: Bataya Escolar.

E show interactivo aki ta reta e alumnonan di klas 6 pa test nan

conocimento escolar riba un manera diferente y den forma di wega.

            Banda di preguntanan di quiz tocante e materianan di e muchanan tin cu hunga weganan fisico y creativo contra otro. Asina e show ta demonstra cu siñamento por ta agradabel y activo.

            E meta principal di Bataya Escolar ta pa inspira mucha pa siña cu hopi placer, pa pone

mihor atencion y pa traha hunto ariba nan prestacion den klas. E programa kier aporta na mihor resultado den klas y un autoestima mas halto cerca e alumnonan.

E fase di prueba (pilot) a finalisa exitoso. Den juni y juli 2025 a hasi e grabacionnan prueba di Bataya Escolar cu participacion di un total di 8 scol basico: St. Anna School, Maria Goretti College, Pius X, St. Dominicus School, Santa Teresita College, Colegio San Hose, Colegio Santa Famia, Sint Michael School.

            Tur grabacion a wordo transmiti semanal ariba tele aruba. Tur grabacion di e show ya por mordo mira ariba e canal oficial di youtube di bataya escolar.

            E produccion di e show tawata na encargo di e Fundashon Briya Creativo.

            Plannan pa futuro: un ambicion di 6 aña y ampliacion di e show. Bataya Escolar a wordo crea cu e meta pa ta un proyecto di por lo menos 6 aña. Despues di e prome edicion exitoso e fundacion organisador kier acerca tur scol basico pa participa na e show. E prome grabacion di e siguiente edicion ta planea pa tuma lugar na final di december 2025 y cuminsamento di januari 2026.

            "Ta fantastico pa wak cuanto entusiasmo e muchanan ta demostra y con hopi motivacion e muchanan ta haya door di e participacion na e show. Nos kier tin un impacto positivo riba enseñanza di aruba’’ – Ian Heidweiller organisador.