Señor Ignacio Thiel, cliente di Funari:
ORANJESTAD (AAN): Diaranson 2 di December tabata Dia Internacional di Personanan cu Limitacion. Stichting Funari ta un centro di dia cu ta dedica na servicio na personanan cu limitacion físico, duna nan cuido, haci actividadnan pa nan, guia y compaña nan. E organisacion ta traha pa kibra soledad di nan clientenan, promove inclusion y crea un espacio sigur unda cada cliente por florece cu dignidad.
Señor Ignacio Thiel, kende ta cliente di Funari, a wordo scucha pa DIARIO unda cu el a expresa cu tin hopi cos cu mester wordo haci pa personanan cu limitacion. Falta accesibilidad pa rolstoel na diferente luga, entre otro oficinanan di Gobierno y algun iglesianan. El a expresa cu e retonan di mas grandi ta keda na supermercadonan. E ta remarca cu hopi biaha bishitantenan di supermercado no tin consideracion y no ta hala pa personanan cu limitacion, y nan ta pasa riba nan teenchi causando cu hopi biaha nan ta wordo mal sirbi.
Mensahe di señor Thiel pa esnan cu tin limitacion: Sigui persevera, tene fe y speransa y confia cu cos lo drecha pa tur. Pa pueblo di Aruba, señor Thiel ta pidi pa tin paseshi y yuda nan ora cu por.
