Decaan Team di Colegio EPI a duna informacion na Colegio San Augustin

ORANJESTAD (AAN): Diabierna siman pasa, e studiantenan di Ciclo Avanza 1 y tambe Ciclo Avanza 2 di Colegio San Augustin MAVO na San Nicolas, a ricibi bishita special.

   E asina yama ‘Decaan Team’ di Colegio EPI a haci un bishita, y nan a presenta pa cada klas haya informacion balioso, interesante, y importante pa nan por sigui nan trayecto escolar.

   Di e forma aki, e studiantenan aki cu ta yegando na final di nan educacion di MAVO, lo por yuda haci un mihor escogencia den ki direccion nan lo kier sigui pa estudio mas avanza.  Tur cos ta mustra cu e bishita aki tabata uno hopi aprecia mes pa e alumnonan.