Magaly Brito di SEPPA:
* Empleadonan publico no a mira nada di ahustacion di salario
ORANJESTAD (AAN): Magaly Brito, Secretaria di Sindicato SEPPA a indica cu tur aña tin problema di personal di trahador publico, specialmente esnan cu ta bon studia.
E situacion aki tin varios aña cu ta papiando di esaki. Tur aña ta pidi pa tin e servicio pa e mehoracion di esaki y pone e condicionnan pa e empleadonan publico por funciona debidamente. Na e mesun momento, ora cu nan haya un evaluacion, cu esaki por resulta positivo, no solamente pa e servicio pero pa e ambtenaar, a bisa.
Brito a lamenta cu e enfoke tur biaha tabata baha e cantidad di personal den servicio di gobierno sin mira cu esaki lo trece consecuencianan pa e servicio.
Aworaki, e ultimo añanan ta mir'e mas ainda. Tin di haber cu e salarionan cu a keda stanca 10 aña largo. Ta mira grupo di docentenan ta haya miho ofertanan den islanan den e region, pa e motibonan aki mes locual kiermen cu enseñansa tambe ta bay atras.
Di otro banda ta mira recientemente cu gobierno di Hulanda a duna su docentenan un aumento di 4% cu un retroactivo di 1 di Januari 2022, a señala. Mientras e docentenan na Aruba no a haya esaki.
El a sigui bisa cu di otro banda, e empleadonan publico no a mira nada di ahustacion di salario. E unico cos cu nan ta 'struggle' cu ne ta e 'bevordering' cada 4 aña y eventualmente e 'periodiek' y hasta esey awor kier bay hink'e bao di e capa di evaluacion periodico cual tambe ta bon, pero locual tin ariba mesa ta asina pisa pa e empleadonan cu nan no ta bay mir'e cu ta bay sosode.
E ora ta bay haya cu profesionalnan prepara ta wordo acerca afo, pa companianan priva y tin cu te hasta ta explora e posibilidad pa bay traha afo pasobra ningun hende por sigui traha den un ambiente na unda no tin e condicionnan. Salarionan ta keda atras, tin hopi problema di politica cu ta mete den e funcionamento, e profesionalnan den funcionnan clave ta wordo ataca, atacha, Brito a expresa.
Tur esaki tin efectonan hopi fastioso riba e empleadonan publico pa nan por keda den un funcion den e aparato publico, Magaly Brito a finalisa bisando.
