Presidente di Sindicato STA:
ORANJESTAD (AAN): Diego de Cuba, Presidente di Sindicato di Aeropuerto (STA) a trece dilanti algun situacion cu ta na su lugar dun'e mas atencion.
El a indica por ehempel, tin cierto companianan na aeropuerto cu mester wak e manera cu nan ta trata e trahadornan y e pagonan cu nan ta duna nan ta co'i di grita yora.
STA a bisa con por ta posibel cu gerencia di aeropuerto ta permiti e bagamunderianan aki riba nan teritorio. "Abo tin cu bisa nan, abo tin cu pone bo limitenan. Bo tin cu bisa berdad e trahadornan aki ta traha pa compania, pero esaki ta locual cu nos kier pa bo paga nan e minimum cu bo mester paga nan".
A agrega cu un compania cu ta produci placa riba tereno di aeropuerto anto e trahadornan no ta beneficia di dje, ta bay haya bo cada bes cu trahadornan nobo ya cu e hendenan ta fada. Ki balor e hendenan aki ta dunando na nan trahadornan? Anto esey ta duel nos, pasobra e trahadornan aki tambe ta traha duro y ta produci.
Como beheerder di e teritorio ey di Triple A N.V., abo tambe mester por tin un bos pa bisa e companianan A, B, C, cu locual cu nan ta haciendo no ta bon. Tin un compania riba aeropuerto cu e trahadornan ni ta firma un contract. Nan ta trahando eynan gewoon traha pa traha y STA ta puntra con leu e cosnan aki tin cu sigui bay, a señala.
Departamento di Labor sa di e situacionnan aki. Nan a bay un biaha y nunca mas nan a bay, Diego de Cuba a duna di conoce.
