*SVb a constata un aumento drastico di casonan di A.O.
ORANJESTAD (AAN): Edwin Jacobs, director di SVb y AZV a uni nan mes na e esfuerzonan grandi cu Minister y Ministerio di Salud Publico ta haciendo pa Aruba bay bek na caminda pa recuperacion, despues cu Aruba a conoce varios luna hopi prometedor. Sigur pa e fondonan cu ta wordo maneha pa AZV y SVb tabata prometedor despues di premira un final di aña, cu un rosea y asina cuminsa construi pa futuro.
Segun Jacobs, e impacto di e ola di Covid actual ta hopi grandi. Manera Minister Dangui Oduber a anuncia, mester a manda 12 asegurado di AZV na Colombia pa nan por ricibi cuido intensivo. Esaki ta 12 asegurado na 50 mil florin pa pashent ta mustra e impacto cu esaki tin riba fondo di AZV. Si Aruba mester sigui manda pashentnan Colombia, e ta bay crea mas gasto pa fondo di AZV.
Señor Jacobs a señala cu nan a constata un aumento di casonan di A.O. na SVb, pa motibo cu cantidad di empleadonan cu no por traha a aumenta dramaticamente den e ola aki, cu a pone un presion hopi mas grandi compara cu e otro olanan di Covid.
E ta apela na comunidad, specialmente esnan cu ainda no a vacuna, na tur e mayornan pa asumi nan responsabilidad pa cu nan yiunan, na esnan cu ta desea pa nos por ta rapidamente riba caminda di recuperacion y normalidad pa bay vacuna. Esaki ta importante pa bo salud y pa bo pais.
