Tienda iconico di ‘La Deseada’ na San Nicolas a habri bek

Despues di un a؜ña...

ORANJESTAD (AAN): E ta algo cu pa hopi decada a sirbi comunidad di no djis San Nicolas, sino tambe henter Aruba cu nan productonan cu tin biaha bo no ta haya ningun caminda.

   Despues di a cera pa como un aña di trabao di renobacion, recientemente e iconico tienda ‘La Deseada’ a habri bek na mesun lugar di semper den Zeppenfeldtstraat den centro di San Nicolas.  E ta net pabao di e edificio sucursal di FCCA na San Nicolas.

   Gerencia a indica cu nan ta gradici tur hende cu a coopera y cu nan a keda cla pa habri bek, y lo sigui atende pa semper tur cliente cu e sonrisa cu semper nan ta ricibi tur persona cu ne.  DIARIO ta desea nan hopi exito, y cu nan por sigui existi pa yuda mas generacion di habitante.