The Boolchand Group ta celebra e apertura oficial di e tienda nobo na Rockefellerstraat

ORANJESTAD (AAN): The Boolchand Group ta anuncia cu orguyo e apertura oficial nan tienda nobo, situa na Rockefellerstraat 1, Oranjestad,

otro banda di Citgo Boulevard. Mas cu 200 invitado a asisti na e celebracion riba diahuebs anochi, 27 di augustus, caminda e discurso di e famia di Boolchand a marca e prome anochi oficial den e tienda nobo — 52 aña despues cu Boolchand’s a habri su portanan pa prome biaha riba e isla.

“Aruba ta forma parti di historia di nos famia pa mas di cinco decada,” segun Ravee R.B. Nandwani, Director di The Boolchand Group. "Nos a mira generacionnan di famianan Arubiano lanta hunto cu nos. Clientenan cu un tempo tabata drenta pa nan prome camara y cu awor ta trece nan yiunan. Nos a scucha kico nan ta conta nos" Nandwani ta sigui bisa. "Tin hopi parkeo gratis y hopi mas espacio pa conoce, purba y experimenta cu e productonan prome cu haci un escogencia. E tienda nobo aki ta un paso importante pa e di 100 aniversario di nos compania aki algun aña, un redefinicion di nos imagen y nos marca, y un afirmacion renoba di nos compromiso di hopi tempo mas cu e comunidad di Aruba."

E anochi a trece cliente, partner y miembronan di e comunidad empresarial local hunto. Como parti di e festividadnan di apertura, Boolchand’s a presenta un donacion di Afl. 10.000 na ‘Fundacion Ban Uni Man pa Cria Nos Muchanan’, como parti di nan campaña anual 'Back to School'. For di 2001, e fundacion ta brinda un desayuno escolar diariamente pa muchanan na Aruba y actualmente ta alcansa alrededor di 750 mucha na scolnan reparti rond di e isla.

E tienda nobo ta diseña rond di e manera cu hende ta cumpra tecnologia. Un diseño mas espacioso ta permiti clientenan pa move entre departamentonan separa pa fotografia, audio y video, computer, weganan y telefonnan celular, cu e mesun servicio cu nos clientenan a costumbra cu ne. E localidad nobo tambe ta trece un cantidad di posibilidadnan nobo pa clientenan. Boolchand’s ta introduci 'Just in Case', permitiendo clientenan pa laga traha un estuche di telefon cu nan mes potret y diseño.

Den colaboracion cu Fujifilm, Boolchand’s lo habri un servicio di imprimi potret den tienda den e siguiente simannan, treciendo bek e potret imprimi pa un generacion cu a lanta cu potretnan riba un pantaya.

E apertura tambe a marca e introduccion di Boolchand’s to Business (B2B), e division di e grupo pa clientenan di negoshi, cu awo tin su propio espacio den e tienda. Empresarionan, ehecutivonan y grupo nan di operation di compra por cana drenta y sinta cu un representante pa papia tocante tecnologia pa nan oficina, pa personal di  operacion di negoshi — for di laptop y printer te na solucionnan di hospitalidad y pantayanan digital — cu e mesun sosten local y servicio despues di benta cu Boolchand’s ta conoci p’e.

E tienda nobo di Boolchand’s ta situa na 1 Rockefellerstraat na Oranjestad, otro banda di Citgo Boulevard, y ta habri di dialuna pa diasabra, di 9:00 AM pa 6:00 PM. Clientenan tambe por bishita www.boolchand.com.