Shurman Milliard, Director di Telefon pa Hubentud 131
ORANJESTAD (AAN): Segun director di Telefon pa Hubentud 131, Shurman Milliard, e problematica di termento ta algo cu ta sigui sosode na Aruba. Esaki tambe tin di haber cu 'social media' y cu problemanan di salud mental. Tambe tin di haber con ta interactua cu otro. Por ta tin un diferente cu otro temponan, ora un generacion tabata mas chikito y cu e momentonan aki.
Milliard a sigui bisa cu esey no kiermen cu e muchanan ta birando mas vulnerabel pa termento. "Pero como adultonan, nos sa cu nos por haci algo contra di dje", a expresa.
El a agrega cu na Aruba tin un fundacion cu ta Telefon pa Hubentud cu por traha un proyecto contra di termento na scol. Nan por duna informacion tocante di termento pa tata y mamanan. Tambe por acerca esnan cu ta traha riba maneho pa bin cu reglanan contra termento.
Tur ta cambionan cu kier wak. Esey no kiermen cu termento lo disparce y cu problemanan di salud mental cu ta cuminsa tin ora door di termento, lo bira cero. Pero ta pone mas atencion riba esey pasobra kier pa e hobennan desaroya nan mes bon. Un mucha, un persona cu no ta wordo getert, un persona cu por interactua riba un manera y cu mentalmente ta hopi fuerte ta desaroya como un persona mas balente den comunidad, e director di TPH 131 a remarca.
Telefon pa Hubentud 131 ta constata cu termento tey y ta pone hopi luz riba dje pasobra kier pa tur hende por participa den comunidad aki na Aruba.
