Super Do It Center Shaba super bon prepara:
ORANJESTAD (AAN)-- Lyonel Dirksz, den conferencia di prensa cu a tuma lugar den Super Do It Center su localidad principal na Shaba, a elabora tocante e programa di actividad cultural-recreativo cu nan ta organizando, pa celebra Aruba su Dia Nacional, diaranzon otro siman, Dia 18 di Maart.
Dos fecha relevante ta bay wordo conmemora cu ta e di 50 aniversario di aruba su Himno y Bandera, y 40 aña di nos pais su Status Aparte, manera nos comunidad henter conoce.
Lyonel a agrega cu banda di tur e actividadnan cu el a menciona prome, ta bay tin tentnan di cuminda, cual, logicamente, no por keda afo, y tin un bar bon surti di cu prijsnan special pa e dia aki, BBQ di Baby Back Grill y cuminda crioyo di Maga’s Kitchen. Lo tin treat pa e prome cien muchanan cu yega, di popcorn y cotton candy. Esaki ta bay ta completamente gratis.
“Comunidad ta wordo invita pa yega y pasa un rato agradabel durante mainta 10’or cu e actividad ta cuminza parti pa den y di 12’or pa 6’or parti pafo” Lyonel Dirksz a conclui.
