Tendencianan nobo den Real Estate na Aruba

Esaki ta e momento pa cumpra of bende bo cas:

*Eva Wever di Bold Real Estate cu datonan interesante! 

ORANJESTAD (AAN):  DIARIO a haya detayenan hopi importante relaciona cu e mundo di real estate cu ta revela cu na e momento aki e oportunidad pa e localnan cu ta interesa of cu tin hopi tempo ta pensando riba e posibilidad di cumpra of bende un propiedad esaki ta e momento.

            Eva Wever di Bold Real Estate a duna di conoce den entrevista cu DIARIO cu tin hende local cu kier bende su propiedad pasobra e kier inverti den algo otro ya sea un cas, un negoshi.  Esaki ta e momento!  For di luna di december 2024 te cu april 2025 ta drenta den e temporada di 'high  season' di real estate y esaki ta e momento pa cumpra of bende bo cas.

            Aworaki ta haya cu hopi di esnan cu ta bay cumpra, tanto local como 'non-residents' cu kier haya nan mesun cas, nan negoshi propio. Pesey esaki ta e momento pa haci e inversion ey!

            Pa e local cu kier cumpra y cu ta bisa cu na 2025 e kier cuminsa den su mesun cas ta hopi recomendabel pa e tin por lo menos 10% di locual e propiedad ta bay costa. Di e forma aki banco ta yuda bo mas lihe, pasobra nan ta wak cu abo tambe ta haci bo esfuerso pa yega na bo cas propio.

            Actualmente ta mirando cu tin un demanda grandi, tanto pa tereno como pa propiedad. Tin demanda grandi pa casnan den area di hospital. Demanda grandi pa casnan ta keda na Noord, Westpunt como tambe otro lugarnan manera Ponton y Eagle.

            Terenonan den areanan poco mas pafo manera Santa Cruz tambe tin un demanda grandi riba dje.

Mirando e desaroyo aki por bisa cu esaki ta e momento pa e localnan, Eva Wever a duna di conoce.

            El a agrega cu tambe tin hende cu ta pidiendo tereno na Sero Janchi, cu ta den  e areanan cu ta keda den demanda. 

Tendencianan nobo

             Eva Wever a revela cu banda di esaki tin un tendencia nobo di e hobennan ehecutivo, e parehanan hoben cu ta formando un famia nobo, esnan cu ta retira (baha cu pensioen) y cu nan yiunan a casa of a bay biba afo, cu ta desea di tin un cas mas chikito y ta bay den e direccion di biba den condominium.

            Un condominium ta ofrece hopi opcion manera piscina, club house, parking, seguridad 24 ora pa dia. Wever a indica cu na Noord tin condominium spectacular manera Walishali , na Racquet Club, Wariruri, entre otro. 

            Esnan cu ta interesa di haya mas informacion tocante propiedad, tereno of pa haya un conseho por contact Eva Wever libremente, kende ta disponibel pa mustra e propiedad, duna informacion y tambe indica e procedura y e proceso cu e notario di bo escogencia pa cumpra e tereno of propiedad di bo soño.

            Ta importante si, el a enfatisa, pa bo tin bo 10% cu mayoria banco ta pidie. Mayoria di banco tambe ta hopi dispuesto pa yuda e local yega na su cas. Tin diferente plan y opcion.

            No laga pasa e oportunidad aki! Realisa bo soño di cumpra of bende un propiedad. Pa mas informacion, contact Eva Wever na 560-0029.