ORANJESTAD (AAN): Dialuna, Richard Eman, den nomber di e Hunta di Comisario di Water- en Energiebedrijf Aruba (W.E.B.) N.V. y e accionista Utilities Aruba N.V., a informa
cu a yega na un terminacion mutuo cu e director general sr. Luis Oduber y director financiero sr. Randolph Ruiz.
Hunta di Comisario di Water- en Energiebedrijf Aruba (W.E.B.) a nombra sr. Serapio Wever su persona como esun temporalmente encarga cu e maneho di Water- en Energiebedrijf Aruba (W.E.B.) N.V., esaki di acuerdo cu e statutonan di Water- en Energiebedrijf Aruba (W.E.B.) N.V. mirando cu su persona ta e presidente di e Hunta di Comisario.
Sr. Wever lo wordo asisti door di sr. Leo Roberto Croes, actual miembro di Hunta di Supervision di WEB. Sr. Croes a traha 30 aña na WEB y su ultimo funcion tabata Advisor Strategic Development.
Ambos, señores Croes y Weyer lo bira non-actief como miembro di e Hunta di Supervision na WEB.
Eman a indica cu ta abogadonan di Randolph Ruiz Y Luis Oduber a acerca nan legal team pa por yega na un terminacion. Pues nan ta tuma nan retiro y paga nan pa nan bay.
Abogadonan di Ruiz y Oduber a pidi pa un NDA (Non-disclosure Agreement). Pues akinan ningun Partido mag duna informacion riba e areglo di terminacion.
Sr. Serapio Wever a wordo apunta pa temporalmente asumi e maneho na WEB. Esaki te ora cu tin director.
Utilities Aruba N.V. ta esun cu ta tene un 'open solicitatie procedure' y ta firma un contract cu e director nobo. Esaki ta determina den statuut, a indica.
E procedura lo cuminsa pronto. Manera cu nos tin operation di web bon regla. Ta bin acerca cu lo tin solamente 1 director. Pues no lo tin un director financiero mas. Algo cu nunca no a funciona den WEB, Richard Eman a agrega despues na e comunicado, teniendo cuenta cu algun pregunta cu el a ricibi di parti di prensa.
