ORANJESTAD (AAN): Manera DIARIO a trece dilanti, recientemente esnan di Fundacion SVOA a reuni cu Formador y futuro partner di coalicion,
y a trece 9 punto dilanti unda cu a pone enfasis riba curiculo y tambe e asunto di doorstroming di MAVO pa HAVO, y tambe doorstroming di MAVO pa EPB, etc.
Ernesto Rozenstand di SVOA a splica cu algo cu nan ta spera cu Gobierno nobo lo bay profundisa su mes riba dje, ta pa bin cu algo cu ainda no ta existi na Aruba, pero si na e.o. Hulanda.
E ta referi aki na un “Leerlingvolgsysteem” (LVS) esta cu ora e mucha yega na Ciclo Basico 1, nan ta sigui’e te dia cu e caba. E sistema di Leerlingvolgsysteem lo haci esey. Aruba no tine ainda, pero SVOA tin desea pa Gobierno traha riba dje como cu e lo tin hopi beneficio pa alumnonan.
Segun Rozenstand, nan a bin cu e idea pa modernizacion di lesmethode, unda cu bo ta pensa cu envez di cumpra hardcopy, bo ta switch pa epoca digital. Un ehemplo cu SVOA a duna, ta cu Colegio tin por ehemplo barak cu 4 lokaal. E idea ta pa pone 4 klas den e barak aki, y pa tur 4 ta usa djis un solo docente y via intranet ta duna les pa tur cuatro klas pareu.
E ta scapabo salario, tres docente, y ta spaar bo buki.
