ORANJESTAD (AAN): E tabata uno basta liviano, y ningun hende a sinti’e mes.
Pero seismogram di Servicio Geologico Colombiano si a capta esaki. Un temblor den parti zuidwest di Aruba registra Diadomingo 2 di April pa 5:13 am.
E epicentro a wordo localiza na 11.67º Nort y 70.64º West. Esaki ta igual cu 114 km zuidwest direct for di Varadero Aruba na Bucutiweg. E ta igual tambe cu 45 km west for di Punto Fijo, estado Falcon na peninsula di Paraguana. E temblor tabata riba Golfo di Venezuela.
E temblor tabatin un magnitud chikito di apenas 2.2º riba Scala di Richter, pues ta uno hopi liviano. E epicentro no tabata hopi hundo tampoco, pues bastante superficial.
Na Venezuela tampoco ningun registro a drenta di daño.
