ORANJESTAD (AAN): Tabata Diabierna 19 di Juni 2026, cu den oranan di marduga a registra un temblor leve bao fondo di lama den parti Zuidwest di e isla, hopi cerca di Peninsula di Paraguana na Venezuela.
E epicentro a wordo registra pa 3:43 am, na 11.98º Nort y 70.41º West. Esaki ta exactamente 72 km Zuid-Zuidwest for di Wilhelmina Park na Oranjestad (Aruba). E ta igual cu 75 km Zuidwest di Baby Beach na San Nicolas (Aruba). E ta igual cu 34 km Noordwest di Aeropuerto Josefa Camejo na Punto Fijo (Venezuela).
E temblor tabatin un magnitud di 2.4º riba Scala di Richter, y e tabata na un profundidad di 32,3 km bao di subsuelo di lama. No a registra ningun daño di e temblor aki.
