Team di MLB Oakland Athletics a firma cu hoben local Nathan Arends

ORANJESTAD (AAN): Siman pasa durante un ceremonia na sede di Boulevard Events Aruba, hunto cu famia y conocirnan a tuma lugar e firmamento di e hoben prospecto Arubiano Nathan Arends

kende oficialmente a firma su contrato profesional cu e organizacion di Mayor League Baseball, Oakland Athletics.

   E ceremonia di firma a conta cu presencia special di Director di Scouting di Oakland Athletics Sr. Steve Sharpe, su agente Jose Fortuna di Fortuna Training Facility na Florida, su mayornan Nathalie Croes y tata Arie Arends.

   Nathan Arends a demostra su habilidad y potencial riba monticulo di baseball captando asina e attencion di diferente scout di diferente organizacion di Grandes Ligas.

   Su caminda for di un talento local pa un atleta profesional ta un testament di su trabao duro, dedicacion, y e apoyo constante di su famia.

Den e proximo siman Nathan Arends lo sali pa Republica Dominicana unda lo e establece su mes y cuminsa cu e preparacionan pa e "Dominican Summer League" hunto cu e organizacion di Oakland Athletics.