ORANJESTAD (AAN): Riba Diasabra anochi pa e competencia di Aruba Soca Monarch 2025 teni den
Aruba Carnival & Entertainment Village na San Nicolas, un empleado di Dr. Horacio Oduber Hospital a participa.
Ta trata aki di Malaghy Richardson, kende ta e artista conoci como ‘Freddy Rasta’, kende a participa den e magno evento di musica di Carnaval.
El a wordo sorprendi pa demas empleadonan na Hospital, kendenan a mustr’e cu nan ta cla pa bay dune e apoyo completo durante su participacion cu e cancion “1 for Unity’ hunto cu agrupacion musical Tsunami.
Hasta Director di Hospital a uni cu e grupo, manera por mira riba e potret aki.
Nan a bira super contento ora cu na final banda di 5:00 am, el a wordo corona como Soca Monarch 2025.
