Team di Futbol Damas di Aruba a sali rumbo pa Bonaire

ORANJESTAD (AAN): Diamars mainta e Seleccion Damas a sali rumbo pa Bonaire pa asina hunga nan wega official Concacaf W Road to Gold Cup diahuebs 26 Oktober 2023 contra di Bonaire.

   E resto di hungador nan di Damas lo yega direct for di Hulanda na Bonaire pa asina e seleccion damas ta completo.

   DIARIO a compronde cu na e isla di flamingo, wega lo tuma Lugar na Stadion Trinidad na Rincon.

   E staff ta consisti di Headcoach Veron Albertsz, Assistant Coach ta Milvienne Henriquez, Goalkeeper Coach ta Geo Pantophlet, Kit officer ta Charmaine Boekhoudt, y Team Manager ta Harvey Clement.

   E Media Officer ta Dave Croes, Team Doctor ta Viviana Bustos, Massage therapist ta Silvana Marquez, y TDM: David Abdul.