Bishita pa Curacao y Bonaire a wordo cancela
ORANJESTAD(AAN): Secretario di Estado Eric van der Burg ta na Aruba riba un viahe di trabao cu ta inclui bishita na islanan di Curacao y Bonaire, pero el a bira malo riba nos isla.
Despues di come algo robez, e Secretario di Estado a shiwata y a wordo interna den hospital pa ricibi tratamento.
E docternan a recomenda pa van der Burg sosega, pa e por recupera mihor posibel y esey ta nifica cu su bishita pa Curacao y Bonaire a wordo cancela.
Hulanda ta wardando riba Secretario di Estado, pa e atende cu un problema di buscado di asilo.
E centro di meld pa buscado di asilo na Ter Apel ta hopi yen y como esun responsabel pa e problematica aki, e Secretario di Estado no tey pa uza su influencia pa pidi e municipio pa extra cama pa e personanan na Ter Apel.
