TBR Fashion Label a causa impacto cu colornan vibrante

E linea mas accessible di Ronchi De Cuba ta simboliza e energia di Aruba

ORANJESTAD (AAN): Durante un anochi yena cu arte y moda, publico presente por a admira lo ultimo di e diseñador local Ronchi de Cuba.

   “Aruba Vibrante”, manera Ronchi a yama e coleccion aki, ta piezanan di moda obtenible unicamente na TRASHBYRONCHI.  E coleccion ta un "private label" cu Ronchi a inicia na 2022. 

   Awor e linea aki ta un favorito mirando cu un y tur por obtene un pieza espectacular di TBR FASHION LABEL mirando cu esaki ta bin den tur size.  Aruba Vibrante a causa gran impacto.