Tattoo Quant a bira ganador absoluto pa banda folklorico

Exitoso Festival Cantica di Caya

• Whitney Nin ta ganado absoluto di Tambu
• Juancho Ignacio ganado absoluto Tipico Tradicional 

ORANJESTAD (AAN): Tabata un exitoso Festival Cantica di Caya cu a ser teni den fin di siman na Brazil.  Riba Diasabra a tuma lugar esun di Adulto.  Ministro Wendrick Cicilia tambe tabata presente, y el a indica di a keda orguyoso di presencia un festival asina bunita den Centro di Bario Brazil.

   E ritmo y gozo entre tur esnan presente tabata masha grandi mes.

   Masha pabien na tur participante y e ganadornan a bira como lo siguiente.

   Richard Tattoo Quant a bira Ganado absoluto Banda Folklorico.  E dama Whitney Nin a bira Ganado absoluto Tambu.

   Juancho Ignacio - Ganado absoluto Tipico Tradicional.  Pabien na e finalistanan: Emilenne Maduro y Zaina Falconi.

   Sin duda alguno, Centro di Bario Brazil a experiencia un tremendo ambiente cu nan cancionnan. Huradonan tabata ocupa cu un trabao duro, debi cu e cantantenan y e competencia tabata fuerte y bon.

Na final e organizadornan a ricibi comentario positivo. Tur hende a gosa, balia, canta y a pasa super bon.