Prome Ministro a bay check situacion di e damnificadonan di e candela feroz na Madiki

ORANJESTAD (AAN): Den oranan di mainta, Prome Ministro Mike Eman a dirigi su mes na Madiki pa asina e mes pone

su mes na altura di e candela grandi cu a destrui diferente apartamento, ocasiona morto di un dama di edad grandi, y tambe check kico instancianan por duna un man cune.

   Prome Ministro a acudi na e adres Madiki 45 hunto cu oficina di CMO y tambe departamento di DAS, pa check y tuma inventario cerca esnan cu a perde dak den candela durante Diadomingo den oranan di marduga.

   Asina a haya sa cu 3 hogar a wordo afecta pa e candela feroz aki, cu awo a laga 2 famia sin dak riba nan cabez.  Gobierno a mustra su disponibilidad pa yuda busca un solucion pa esnan cu a keda awor cu solamente e paña riba nan curpa bisti, ya cu a perde tur cos den e candela.