ORANJESTAD (AAN): Dialuna atardi, gerencia di NV Elmar oficialmente a duna informacion cu entrante 1 di mei 2023, e prijs di coriente ta baha cu 7.1%.
E reduccion aki a bira posibel debi cu e tarifa di compra di energia cu NV Elmar ta paga na WEB a baha.
Na 2022, nos a anuncia un aumento di prijs di coriente debi na factornan internacional fuera di nos control cu a influencia e costo di generacion di energia substancialmente. Sinembargo awor cu nos a logra negocia un miho tarifa di compra di energia for di WEB, esaki a crea e espacio suficiente cu ta permiti Elmar baha e prijs di coriente pa consumidornan. Elmar ta cumpra e energia cu WEB ta genera pa asina e compania di electricidad por transmiti y distribui e coriente den tur bario di Aruba.
NV Elmar tin comprension pa e impacto cu e aumento di prijs por tin riba presupuesto di cada persona of famia, y nos ta spera cu e reduccion aki lo duna algun alivio. Ta pidi comunidad tuma nota di e siguiente tabel cu ta indica e prijs nobo di coriente.
