Tarabana a coopera inmensamente cu e trabao di ‘Accion di Bario’  

ORANJESTAD (AAN): Siman pasa, Gobierno di Aruba a organiza un actividad di ‘Accion di Bario’ e biaha aki na Tarabana,

y ya for di 8:15 am e team consistiendo di DOW, Bureau City Inspector, GKMB, Serlimar, Polis di Bario, DTI, FCCA, hunto cu Prome Ministro tabata riba pia pa check e ciudadanonan y mira si acaso nan tin mester di yudanza y check sugerencia tambe.

   Di e forma ey, ‘Accion di Bario’ a yega Tarabana, y loke a resalta ta con bon cooperacion tur e team aki a ricibi di e habitantenan.

   Asina a pone man na obra, y hunto cu demas departamento envolvi, a duna un man cu limpiesa y yuda deshaci di desperdicio den bario di Dakota. Hopi ta esnan cu ta acerca pa felicita pa e esfuerso cu ta tumando luga, como tambe brinda ayudo na momento di montona y piki e sushi cu tin cu bay wordo tira afo.

   Comunidad tambe ta demostrando su compromiso pa un Aruba limpi y dushi pa biba riba dje. Cu pasonan firme nos ta logra e meta di haci cada bario mas agradebel y miho manteni.