Talentoso hobennan di RCA U11 a bay pa nan Cena di Pasco

ORANJESTAD (AAN): Un actividad cu ta pone e hobennan deportivo aki cera mas amistad, y pasa momentonan placentero, ta ora cu nan a acudi masha netchi bisti mes pa nan Cena di Pasco.

   Di e forma aki, e hobennan di team di futbol RCA U-11-1 a bay pa nan Christmas Dinner cu a ser teni na The Old Fishermen Restaurant Aruba.

   E muchanan talentoso di e team tabata hunto cu nan coach y lidernan, y nan a comporta nan mes masha ehemplar mes, ta disfrutando di nan cuminda, haciendo e uso perfecto di nan forki y cuchiu, y nan a come te laga e tayonan bashi.

   Sigur nan ta gradici personal di The Old Fishermen Restaurant Aruba pa e bon servicio y delicioso cuminda.  Nan a priminti di lo hinca hopi mas goal aun den e segundo mita di e campeonato.