Miguel Wever, Coordinador di Cuida Nos Aruba:
ORANJESTAD (AAN)-- Den entrevista cu señor Miguel Wever, Coordinador di Cuida nos Aruba, el a expresa na Matutino DIARIO, cu ta lamentable cu pa bisa cu, practicamente, full Aruba a bira hopi sushi y si wak e lugarnan unda tin hopi sushi acumula, por mira den ki direccion nos Isla ta bayendo.
Den bishitanan den bario por constata cu tin hopi sushi rond di e casnan y den cura mes, kiermen cu durante e añanan hopi sushi a acumula. El a subraya cu Aruba tin un problema structuralmente, cu no a tuma lugar di e manera corecto.
El a subraya cu durante cu e proyecto Bakinan den Bario a tuma lugar, e boluntad tabata tey pero toch diferente hende tabata tin nan cura di cas sushi.
“Nos por conta e average di autonan cu nos tabata tin di 500 auto pa dia, e cantidad di 60 bakinan cu ta wordo deposita. E tabata tey, pero algo structural mester a tuma luga, y mi ta kere nos ta den e porta corecto awo pa coregi esaki”, señor Wever a comenta.
El a menciona cu e ta trahando hunto cu OM, Polis di bario, pa logra cu Diasabra e sushedad bira menos.
Wever a expresa palabra di danki pa tur e personanan cu di un manera of otro ta tumando lugar den e accion di limpieza di Diasabra awo, den forma general. E cantidad di hende ta hopi, pero e instancianan manera, entre otro, SERLIMAR, DOW, WEB, ATA, SETAR, Hotelnan cu a pone nan trahadornan como boluntario pa organiza e evento aki, organiza e lugarnan cu BCI a menciona caba, pa tur cos sali bon. E number di contacto pa evento aki ta: 588-0100 pa yudanza, preguntanan tocante e dia aki, por haci nan pa medio di e number aki. Tambe tin e website “arubatanostur .com” unda tambe por haya tur informacion riba e rutanan, unda e bakinan ta deposita, etc. E intencion cu gobierno ta pone e bakinan y e habitantenan lo colabora transportando e sushinan na e lugar corecto, señor Wever a remarca.
