ORANJESTAD (AAN) – Mantene un hogar di dos adulto y dos mucha na Aruba ta costa awor Afl.5,639 pa luna, segun e ultimo calculonan di CBS. Esaki ta Afl.130 mas cu na juni 2025.
E aumentonan principal a bini for di:
- Cuminda y bebida no-alcoholico (+Afl.81)
- Transporte (+Afl.32)
- Mientras cu e gasto pa paña y sapato a baha cu Afl.16.
Pa un adulto so, e bestaansminimum mensual ta situa na Afl.2,685.
CBS ta ricorda cu e bestaansminimum ta representa e entrada minimo calcula pa cubri gastonan esencial manera cuminda, vivienda, paña, transporte y otro necesidadnan basico.
