Ta trahando un plan con pa fortifica e union entre e islanan

Nathalie Maduro:

ORANJESTAD (AAN): Den e dianan cu a pasa a tuma lugar diferente evento rond di e asina yama Dutch Caribbean Agriculture Visioning Proces y Diaranzon den un entrevista director di Santa Rosa Nathalie Maduro a splica cu aña pasa a cuminza cu e plataforma aki na Corsow y cu e aña aki Aruba tabata anfitrion.

“E intencion di e conferencia aki ta cu nos kier traha riba un plan di 10 pa 20 aña riba con pa fortifica e union entre e islanan y con nos por sostene otro”.

Nos ta identificando cada reto di cada isla y nos lo brainstorm riba kico si ta funcionando bon pa cada isla, despues di cual nos lo comparti e informacion, segun Maduro.

El a splica cu e intencion ta pa e islanan tin un plan, pa den cualkier calamidad con pa abastece otro y sostene otro.

Segun Maduro, ta bay tin mester di fondonan y lo discuti riba esaki durante e dianan cu ta bin.

“E intencion ta pa anualmente nos sigui tene e tipo di conferencianan aki”, segun Maduro.

El a sigui bisa cu e fondonan ta yuda cu por ehempel ekiponan y ora cu mester haci un estudio.

“Si un isla haya fondo pa un estudio wordo haci por ehempel, e intencion ta pa e isla comparti e informacion cu e otro islanan tambe”.

Tambe si un proyecto funciona bon pa un isla, e otronan por haya e conocimento riba esaki tambe, segun e director di Santa Rosa.