Esther van der Put, director Fundacion Snoop Doggy:
ORANJESTAD (AAN) Señora Esther Van der Put, director di Fundacion Snoop Doggy, den entrevista cu Matutino DIARIO, a haci un yamada pa comunidad, pa tuma precaucion cu nan mascotanan, durante e temporada di tiramento di klapchi.
Señora van der Put a bisa cu ta hopi importante pa laga e mascotanan paden, den un lugar safe, pone nan un banchi cu e number di telefon di e doño skirbi, of laga e microchip, si e cacho ta paden laga luznan cendi, cera bentana, laga e radio na un volumen mas halto, pa e keda safe.
Hopi mascota tin miedo di klapchi, e ta spanta, sali for di e cura, por wordo gedal pa un auto, segun informacion cu e instancia aki tin, mas cu 30 mascota pa dia ta los durante tiramento di klap. Si e doño ta pafo di cas, laga e mascota paden di cas, si ta den un haula pone un paña abao, y lague bon cera. Laga radio na volumen halto, el a reitera.
