Dennis Burke Presidente di Centro di Bario Playa Pabou:
ORANJESTAD (AAN): Awe, 20 di November, Dia Internacional di Derecho di Mucha, pa 3’or di atardi, Centro di Bario Playa Pabao ta invita tur mucha pa bin goza di actividadnan cu nan a organisa manera costumber.
Pa 24 aña, cu excepcion di 2020 door di Covid, Centro di Bario Playa Pabou ta organisa actividadnan dia 20 di November en conexion cu Dia Internacional di Derecho di Mucha. Señor Dennis, Burke Presidente di e Centro, ta splica cu e entrada lo ta gratis y lo tin diferente wega pa mucha. Y manera ya ta tradicion, Sinterklaas y su Pietnan tambe lo ta presente y lo drenta bou animacion di un brass band y un grupo di baile pa 6’or di atardi.
Señor Burke a splica DIARIO con e programa lo ta hinca den otro pa asina sigura cu tur mucha goza henter dia. For di 3’or pa 6’or PM, muchanan por hunga y disfruta di tur e weganan, entre otro trampoline y pool. Muchanan ta wordo pidi pa trece serbete y paña pa cambia. Y despues di 6’or e programa lo cambia y gruponan di baile y solistanan hubenil lo duna presentacion di mas o menos dos ora.
