ORANJESTAD (AAN): Minister di Turismo, Transporte y Labor, mr. Wendrick Cicilia,
orguyosamente ta anuncia cu Carubbian Festival ta oficialmente back den e cayanan di San Nicolas. Esey ta awe Diahuebs 20 di November den oranan di anochi, San Nicolas lo bolbe haya un bida cu musica, cultura y e ambiente vibrante cu ta haci Aruba unico.
E prome edicion ta trece un line up emocionante cu ta priminti un anochi inolvidabel. E stage na entrada lo tin grupo ‘Touch of Steel’.
Na Stage principal lo tin DJ Eli, N’ Fuzion, Tsunami, DJ Sky, y Groove Masters.
“Carubbian ta representa comunidad, cultura y e curason di San Nicolas. Nos ta entusiasma pa yama tur hende bonbini back pa celebra hunto”, asina Minister Cicilia a expresa.
Ta curasha e publico pa yega trempan, trece nan miho vibe y disfruta di un anochi yena cu ritmo, sabor y energia di nos isla.
