ORANJESTAD (AAN): Comision di Electoral di Kickball ta habri postulacion pa Directiva nobo di Federacion di Kickball Aruba.
Den nomber di Comishon Electoral di Kicking ball bou guia di Aruba Sport Unie ta haci yamada na tur ekipo di kickball di Aruba pa lo siguiente. Comision electoral ta trahando riba e formacion di federacion oficial di kickball na Aruba.
Nan ta haci un yamada publicamente na tur ekipo di kickball di Aruba pa participa activamente mandando un lista di esnan cu lo kier postula nan mes pa e directiva di federacion di kickball na e siguiente e-mail: This email address is being protected from spambots. You need JavaScript enabled to view it.
DIARIO a compronde cu e fecha di postulacion ta habri di 17 di april 2023. Deadline pa entrega postulashon ta dia 3 di Mei 2023. E siguiente posicionnan ta habri pa postulacion di Directiva: *Presidente, *Vice Presidente, *Secretario General, *Segundo Secretario General, *Tesorero.
Please manda tur corespondencia na e email menciona ariba. Den e postulacion ta pidi e siguiente documentonan: 1. Papel Censo di 5 Florin. 2. CV. 3. Paspoort Hulandes of Firma Liber. 4. Carta di bon conducta VOG. 5. Carta di motivacion pa postulacion.
Kickball ta un deporte competitivo pa e ser femenino, unda cu 2 ekipo cu ta consisti di dies (10) hende muhe cada uno ta hunga cu e meta pa uno sali victorioso. E ekipo cu score mas hopi careda y preveni e otro ekipo di score careda ta e ekipo cu ta sali ganador. E wega di kickball ta worde hunga segun reglamento oficial di kickball y bou di autoridad di un of mas referee.
E miembronan di Comision Electoral di Kickingball, esta Aruba Sport Unie, Yurani Lobo, Jaindra Bislick, Yury Bracho, Juriella Guerrero, y Katiuska Tromp ta spera di por haya hopi interesado.
